एजेन्सी । भारतीय क्रिकेटर यशपाल शर्माको मंगलबार निधन भएको छ ।

६६ बर्षीय शर्माको हृदयघातबाट मृत्यु भएको भारतीय संचार माध्यमहरुले जनाएका छन्।

भारतलाई सन् १९८३ को विश्वकप क्रिकेट उपाधि दिलाउन मद्दत गरेका मध्यपंक्तिका ब्याट्सम्यान शर्माले १९७८ देखि १९८५ सम्ममा ३७ टेस्ट र ४२ एकदिवसीय अन्तर्राष्ट्रिय खेलेका थिए ।

त्यतिबेला भारतले इंग्ल्यान्डमा १९८३ को विश्वकप जित्दा शर्मा भारतीय टोलीका दोस्रो सर्वाधिक रनकर्ता थिए।