काठमाडौँ । काँग्रेस सभापति शेरबहादुर देउवा प्रधानमन्त्री पदको शपथ ग्रहणका लागि शीतल निवासतर्फ लागेका छन् ।

केही बेरअघि बूढानीलकण्ठस्थित निवासबाट निस्केर राष्ट्रपति भवन शीतल निवासतिर लागेका हुन् ।

सोमबार सर्वोच्च अदालतको परमादेशको बलमा प्रधानमन्त्री बनेका देउवालाई आजै राष्ट्रपति विद्यादेवी भण्डारीले नियुक्त गरेकी थिइन् ।

प्रधानमन्त्रीको सपथसँगै सानो आकारको मन्त्रीमण्डल बनाउने तयारी गरिरहेका देउवाले कांग्रेसबाट गृहमन्त्रीमा बालकृष्ण खाँण र कानुनमन्त्रीमा ज्ञानेन्द्र बहादुर कार्कीलाई नियुक्ति गर्ने भएका छन्।

यस्तै, माओवादी केन्द्रको तर्फबाट पनि अर्थमा जनार्दन शर्मा र उर्जामा पम्फा भुसाल मन्त्री बन्ने पक्का भएका छन।