काठमाडाैं । महान्यायाधीवक्ता रमेश बडालले राजीनामा दिएका छन् ।

मंगलबार महान्यायाधीवक्ता बडालले प्रधानमन्त्री केपी शर्मा ओलीलाई राजीनामा पत्र बुझाउदै आजदेखि ओली प्रधानमन्त्री नरहने भएकाले आफूले पनि स्वभाविक रूपमा राजीनामा दिएकाे बडालले बताए ।

तत्कालीन महान्यायाधीवक्ता अग्नि खरेल २०७७ चैत ६ गते राजीनामा दिएपछि बडाल उक्त पदमा नियुक्त भएका थिए ।

बडाल पछिल्लो समय नेकपा एमाले अध्यक्ष ओली नेतृत्वको सरकारले गरेको प्रतिनिधिसभा विघटन र राष्ट्रपति विद्यादेवी भण्डारीले बहुमत सांसदको हस्ताक्षर बुझाउँदा पनि नेपाली कांग्रेसका सभापति शेरबहादुर देउवालाई प्रधानमन्त्री नियुक्त नगरेको विषयको बचाउ गर्दै आएका थिए।