काठमाडौं । नेपालमा पछिल्लो २४ घन्टामा २ हजार १६९ जनामा कोरोना संक्रमण पुष्टि हुँदा १ हजार ४३२ जना संक्रमणमुक्त भएका छन्। योसँगै नेपालमा कोरोना संक्रमितको संख्या ६ लाख ५४ हजार २ सय १२ पुगेको छ भने संक्रमणमुक्त हुनेको कूल संख्या ६ लाख १८ हजार ३ सय ६१ पुगेको स्वास्थ्य तथा जनसंख्या मन्त्रालयले जनाएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घन्टामा १० हजार ४१७ परीक्षणबाट उक्त संख्यामा संक्रमण पुष्टि भएको हो।

मन्त्रालयका अनुसार मुलुकभरमा ६ हजार ५३० जनाको पिसिआर परीक्षणबाट १३५३ जनामा संक्रमण पुष्टि भएको छ भने ३८८७ जनाको एन्टिजेन परीक्षणबाट ८१६ जनामा पुष्टि भएको हो।

मन्त्रालयका अनुसार कोरोन भाइरस संक्रमणका कारण २२ जनाको ज्यान गएको छ। कोरोनाबाट नेपालमा हालसम्म ९ हजार ३ सय ६२ जनाको मृत्यु भइसकेको छ ।

देशभर सक्रिय संक्रमितको संख्या २६ हजार ४ सय ८९ रहेको मन्त्रालयले जनाएको छ । ३०८ जना क्‍वारेन्टाइनमा रहेको मन्त्रालयले जनाएको छ ।

पछिल्लो २४ घण्टामा परीक्षण ६ हजार ५३० जनामा परीक्षण गरिएको थियो । शनिबारसम्म नेपालमा ३४ लाख ९९ हजार ४० पीसीआर परीक्षण भएको छ ।