चितवन। केहि दिन अगाडि अपहरणमा परेकी राप्ती नगरपालिका वडा नं. ३ की सुजिता भण्डारीको शव फेला परेपछि मृतक भण्डारीकी आमा अम्बिका भण्डारीले आफ्नो छोरीको हत्यारा पत्ता लगाइदिन अनुनय गरेकी छिन् ।

आफूहरु रोपाईंमा गएको बेला घरबाटै छोरी अपहरणमा परेको भन्दै आमा अम्बिका भण्डारीले प्रहरीलाई खबर गर्दा पनि बचाउन नसकेको भन्दै छोरी बचाउन नसकेको गुनासो गर्दै भनिन्, ‘हत्याराले सजाय नपाएसम्म मेरी छोरीको आत्माले शान्ति पाउँदैन ।’

उक्त शव सोमबार प्रहरीले पोस्टमार्टमका लागि भरतपुर अस्पताल ल्याउँदैछ । सो क्रममा भण्डारीका परिवार र आफन्त तथा स्थानीय बासिन्दाले राजमार्ग अवरूद्ध पारेका छन् । भण्डारी बेपत्ता भएकोबारे प्सुजिताको शव उनकै घरभन्दा साढे ३ किलोमिटरको दूरीमा रहेको घना जंगलमा भेटिएको छ । शवसँगै रहेकै स्थानमा विषादीको वट्टा पनि भेटिएको छ ।

प्रहरीले सुजिताले प्रयोग गर्दै आएको मोवाइलको कल डिटेल रेकर्ड (सीडीआर), एसएमएस, म्यासेन्जरलगायत सामग्रीको समेत अनुसन्धान गरिरहेको छ।