काठमाडौं । जिल्ला प्रशासन कार्यालय काठमडौंले कोरोना महामारीको जोखिम नियन्त्रण गर्न जारी गरिएको निषेधाज्ञालाई खुकुलो बनाएको छ ।

उपत्यकाका तीन जिल्ला काठमाडौं, ललितपुर र भक्तपुरका सीडीओको संयुक्त बैठकले हाल कायम रहेको जोरबिजोर प्रणालीलाई खारेज गरेको छ भने यसअघि २५ सिट क्षमताका सवारीसाधन मात्र अनुमति दिइएकोमा त्यसलाई हटाइएको छ ।

आजको निर्णयसँगै अब पर्सी अर्थात मंगललबारबाट काठमाडौंमा जोर विजोर प्रणाली हट्ने छ भने साना माइक्रो, टेम्पोसमेत चल्न पाउनेछन् । झण्डै दुई महिनापछि प्रशासनले काठमाडौं उपत्यकामा निजी तथा सबै खालका सवारीसाधन चलाउन दिने निर्णय गरेको हो । यद्यपी निषेधाज्ञा भने असार मसान्तसम्म लम्ब्याइएको छ ।

काठमाडौंका प्रमुख जिल्ला अधिकारी कालीप्रसाद रिजालले जारी गरेको आदेशमा मापदण्ड पालना गरेर साना तथा ठूला सबै सार्वजनिक सवारी सन्चालनको अनुमति दिइएको उल्लेख छ । तर, सभा सम्मेलन, पार्टीप्यालेसलगायत भने बन्द नै हुनेछन् ।