काठमाडौं । मुलुकभर पछिल्लो २४ घन्टामा १ हजार ६०३ जनामा कोरोना संक्रमित थपिएका छन् भने २ हजार ५५२ जना कोरोनामुक्त भएका छन् । काठमाडौं उपत्यकामा भने ४६१ जनामा संक्रमण पुष्टि भएको छ । देशभरका विभिन्न प्रयोगशालामा गरिएका परिक्षणमा उक्त संख्यामा संक्रमित थपिएको स्वास्थ्य मन्त्रालयले जनाएको छ ।

पछिल्लो २४ घन्टामा पीसीआर विधिबाट ४८७३ जना र एन्टीजेन विधिबाट ३२५६ जना गरी जम्मा ८१३२ जनाको कोरोना परिक्षण गरिएको छ ।

नेपालमा पछिल्लो २४ घन्टाका नेपालमा हालसम्म ६ लाख ८२ हजार ७ सय ३९ जना संक्रमित पुगेका छन्। पछिल्लो २४ घन्टामा २७ जनाको मृत्यु भएको मन्त्रालयले जनाएको छ । यससँगै हालसम्म ९ हजार २ सय ३४ जनाको मृत्यु भएको छ ।

स्वास्थ्य मन्त्रालयले परीक्षण सरकारी ल्याबहरुमा निःशुल्क भएपनि परीक्षण घटेको जनाएको छ । मन्त्रालयले लक्षण देखिएकाहरुलाई परीक्षण गराउन पनि अनुरोध गरेको छ ।