जनकपुरधाम र । प्रदेश २ को सिरहा र महोत्तरीमा लागूऔषध सहित एक जना पक्राउ परेका छन् । सिरहाको बरियारपट्टि गाउँपालिका वडा नम्वर ३ स्तिथ धानखेतबाट सशस्त्र प्रहरीको गस्ती टोलीले विभिन्न किसिमका लागूऔषध बरामद गरेको छ ।

सशस्त्र प्रहरी बल नेपाल बोर्डर आउट पोष्ट बरियारपट्टिबाट खटिएको सशस्त्र प्रहरीलाई देखेपछि लागूऔषध बोकेको झोला छाडेर फरार भएका थिए ।

झोला जाँच गर्दा डाईलेक्स डिसी ९४ बोतल र नाईट्रोभेट ट्याब्लेट ६ सय वटा फेला पारिएको हो । बरामद लागूऔषध नेपाल प्रहरीको जिम्मा लगाएको सशस्त्र प्रहरीले जनाएको छ ।

यस्तै महोत्तरीको भंगाहा नगरपालिका वडा नम्वर ८ पडरिया बस्ने २३ वर्षीय बेलाल राईनलाई लागूऔषध सहित पक्राउ गरिएको जिल्ला प्रहरी कार्यालय महोत्तरीले जनाएको छ ।

राईन घुमफिर गरीरहेको अवस्थामा ईलाका प्रहरी कार्यालय लोहारपट्टीबाट खटिएको प्रहरी टोलिले चेकजाँच गर्दा उनी पक्राउ परेका हुन् । उनको साथबाट प्रहरीले प्रतिबन्धित लागुऔषध नाईट्रोभेट टयाब्लेट ५ र पतामा ७५ वटा बरामद गरेको हो ।

बरामद लागुऔषध सहित उनलाई तत्काल नियन्त्रणमा लिई आवश्यक कारवाहीको लागि थप अनुसन्धान भईरहेको महोत्तरीका प्रहरी प्रवक्ता प्रकाश विष्टले जानकारी दिए ।