एजेन्सी । बेलायती एन्डी मुरे विम्बल्डन टेनिसको तेस्रो चरणमा प्रवेश गरेका छन् ।

बुधबार राति भएको खेलमा जर्मन क्वालिफायर अस्कर ओटेलाई पराजित गर्दै मुरे तेस्रो चरणमा प्रवेश गरेका हुन् ।

पहिलोपटक विम्बल्डन खेलिरहेका ओटे विश्व बरियताको १५१ औँ स्थानमा छन् । ३४ वर्षीय मुरेले ओटेलाई ६–, ४–६, ४–६, ६–४ र ६–२ को सेटमा पराजित गरे । चोटका कारण सन् २०१९ मा सन्यास लिनुपर्ने अवस्थामा पुगेका मुरे शल्यक्रियापछि खेलमा फर्किएका हुन् ।

दुई पटकका विजेता मुरेले पहिलो चरणमा २४ औँ बरियताका जर्जियन खेलाडी निकोलोज बासिलाश्भीलीलाई पराजित गरेका थिए ।

तेस्रो चरणमा मुरेले १० औँ बरियताका क्यानेडियन खेलाडी डेनिस शापोभालोभसित शुक्रबार खेल्ने छन् ।