रामनारायण यादव / जनकपुरधाम । प्रदेश २ को अस्थायी राजधानी जनकपुरधाममा सोमबार विहानैदेखिको मुसलधारे वर्षाले जनकपुर उपमहानगरपालिका जलमग्न भएको छ ।

सोमबार बिहान करिब १० बजेदेखि भारी वर्षा भएपछि पानीको उचित निकास नहुँदा जनकपुरको अधिकांश क्षेत्र जलमग्न भएको हो ।

भारी वर्षाले जनकपुरका रमानन्दचोक, भानुचोक, कदमचोक, मिल्स एरिया, विद्यापति चोक र विश्वकर्मा चोकका सडक जलाशयमा परिणत भएका छन् । नगरका मुख्य सडक जलमग्न भएपछि आवागमनसमेत प्रभावित भएको छ ।