मुम्बई। बलिउड र लागूऔषधको पुरानो नाता छ । पछिल्लो केही वर्ष यता लागुऔषध मामलामा सेलिब्रेटीहरु जोडिएपछि प्रहरीले सबै स्टारहरुमाथि निगरानी गरिरहेका छन् ।

यसैवीच, महाराष्ट्र प्रहरीले एक पाटीमा छापामारेर २२ जनालाई पक्राउ गरेको छ ।

पक्राउ पर्नेहरुमा मराठी फिल्मकी अभिनेत्री हिना पाञ्चालसहित केही कलाकार र कोरियोग्राफर समेत रहेकाछन् । उनीहरुलाई अहिले हिरासतमा राखिएको महाराष्ट्र प्रहरीले जनाएको छ ।

प्रहरीका अनुसार प्रहरी टोलीले पार्टीबाट लागुऔषध र केही रुपैंयाँ बरामद गरेको छ । उनीहरुको हाल मेडिकल जाँच भइरहेको छ ।

केही दिन अघि प्रहरीको एक टोलीले अभिनेत्री नायरा नेहल शाहलाई पनि लागूऔषधमै पक्राउ गरेको थियो ।