काठमाडौं । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर २ हजार ४७६ जनामा कोरोना भाइरस संक्रमण पुष्टि भएको छ ।

कोरोना संक्रमणबाट थप २७ जनाको मृत्यु भएको छ । यस्तै ५ हजार ४५५ जना संक्रमणमुक्त भएका छन् ।

मन्त्रालयका अनुसार पछिल्लो २४ घण्टामा कुल १४ हजार ३५१ जनाको नमूना परीक्षण गर्दा २ जार ४७६ जनामा संक्रमण पुष्टि भएको हो । जसमध्ये पिीसीआर विधिबाट ९ हजार ५८६ नमूना र एन्टिजेन विधिबाट ४ हजार ७६५ जनाको नमूना परीक्षण गर्दा क्रमश १ हजार ७२१ र ७५५ जनामा पोजेटिभ देखिएको हो ।

योसँगै नेपालमा कोरोना संक्रमितको संख्या ६ लाख ६१ हजार ८४१ (६ लाख ३१ हजार १५२ पीसीआर र ३ लाख ६८९ एन्टिनेन) पुगेको छ भने निको हुनेको संख्या ५ लाख ७६ हजार ४१३ जना पुगेका छन् । हालसम्म नेपालमा कोरोनाबाट मृत्यु हुनेको संख्या ८ हजार ९ सय ४५ पुगेको छ।