काठमाडौँ । देशभर आज मौसममा सामान्यदेखि पूर्ण बदली भएको छ ।

जल तथा मौसम पूर्वानुमान महाशाखाका अनुसार प्रदेश १, प्रदेश २, बागमती प्रदेश, गण्डकी प्रदेश र लुम्बिनी प्रदेशका अधिकांश स्थानमा तथा बाँकी प्रदेशका केही स्थानमा हल्कादेखि मध्यम वर्षाको सम्भावना छ ।
प्रदेश नम्बर १ र बागमती प्रदेशका केही स्थानमा मेघगर्जन चट्टयाङ्सहित भारी वर्षाको सम्भावना रहेको महाशाखाले जनाएको छ ।

शुक्रबार राति पनि देशभर सामान्यदेखि पूर्ण बदली रहने छ। प्रदेश १, प्रदेश २, बागमती प्रदेश, गण्डकी प्रदेश र लुम्बिनी प्रदेशका केही स्थानहरु र बाँकी प्रदेशका थोरै स्थानहरुमा राति पनि हल्कादेखि मध्यम वर्षाको सम्भावना रहेको हो।

प्रदेश १, प्रदेश २ र बागमती प्रदेशका एक वा दुई स्थानमा राति पनि मेघगर्जन र चट्टयाङ्सहित भारी वर्षाको सम्भावना रहेको महाशाखाले जनाएको छ ।
पहाडी भूभागमा पहिरो तथा तराइमा बाढीको खतरा रहेकाले सचेत रहन महाशाखाले आग्रह गरेको छ ।