काठमाडौँ । साताको पहिलो दिन आइतबार पनि नेपाली बजारमा सुनको मूल्य घटेको छ ।

गत साताको बुधबारदेखि लगातार ओरालो लाग्दै आएको सुनको मूल्य आज पनि तोलामा ८ सय रुपैयाले घटेको नेपाल सुनचाँदी व्यवसायी महासंघले जनाएको छ ।

महासंघक अनुसार शुक्रबार प्रतितोला ९० हजार ८ सय रुपैयामा कारोबार भइरहेको छापावाल सुनको मूल्य आज घटेर तोलाको ९० हजार रुपैयामा कारोबार भइरहेको छ । त्यस्तै, आज तेजावी सुनको मूल्य पनि प्रतितोला ८९ हजार ५ सय ५० रुपैयाँमा कारोबार भइरहेको छ ।

यसैगरी आज चाँदीको मूल्य घटेर तोलाको १ हजार २ सय ९० रुपैयामा नै कारोबार भइरहेको महासंघले जनाएको छ ।