बारा । बाराको जगदम्बा कारखानामा आगलागी हुँदा दुई भारतीय मजदुरको मृत्यु भएको छ भने ३ जना घाइते भएका छन् ।

जीतपुरसिमरास्थित जगदम्बा स्टील्समा शनिबार राति पेट्रोल र डिजेल भण्डारण गर्ने ट्यांकी वेल्डिङ गरिरहँदा आगलगी भएको हो ।

जिल्ला प्रहरी कार्यालय बाराका अनुुसार आगलागीमा परी मृत्यु हुनेहरुमा भारत विहार पश्चिम चम्पारणका ४० वर्षीय प्रदीप गौड र ४५ वर्षीय रामनाथ महतो रहेका छन् ।

उनीहरुको घटनास्थलमै मृत्यु भएको हो। घाइतेहरुको भने वीरगन्जको तराई अस्पतालमा उपचार भइरहेको छ ।

घटनास्थलमा ६ मजदुर रहेकोमा एक जना सुरक्षित रहेको प्रहरीले जनाएको छ।

आगलगीबाट भट्टीमा क्षति भएपनि प्राविधिक अभावले क्षति विवरण एकिन हुन नसकेको उनको भनाइ छ । अहिले आगलागी नियन्त्रणामा आइसकेको बताइएको छ ।