काठमाडौ । युरोकप २०२० मा दावेदार राष्ट्रको रुपमा रहेको फ्रान्सले हंगेरीसँग अंक बाँडेको छ । शनिवार राती सम्पन्न खेलमा १–१ गोलको बरावरी खेल्दै फ्रान्स हंगेरीसँग अंक बाँड्न बाध्य भएको हो ।

पहिलो हाफको इन्जुरी समय अर्थात ४७ औं मिनटमा हंगेरीले गोल गर्दै अग्रता लिएको थियो । तर, ६६ औं मिनटमा फ्रान्सले गोल फर्काएपछि खेल बरावरीमा सकिएको हो। प्रतियोगिततामा हंगेरीका तर्फबाट अतिला फियोलले र फ्रान्सका एन्टेनियो गृजमनले गोल गरेका थिए ।

यसअघि पहिलो खेलमा फ्रान्सले जर्मनीलाई १–० गोल अन्तरले पराजित गरेको थियो । जर्मनीका खेलाडीले आत्मघाती गोल गरेपछि भाग्यका आधारमा जित हात पार्न सफल फ्रान्स आज सम्पन्न खेलमा तुलनात्मक रुपमा कमजोर मानिएको हंगेरीसंग बरावरी खेल्दै अंक बाँड्न बाध्य भएको हो ।