जनकपुरधाम । जिल्लाको लोहारपट्टि नगरपालिका वडा नम्वर ७ भ्रमरपुरा गाउँबाट एक महिला १७ दिनदेखि बेपत्ता छन् । स्थानीयवासी मुकेश ठाकुरकी श्रीमती २६ वर्षीया सुजिता ठाकुर गत जेठ २० गते रातिदेखि नै घरबाट निस्केकी हुन् । यद्यीि उनको माइती पक्षले भने हत्याको आरोप लगाएका छन् । जिल्लाकै पिपरा गाउँपालिका वडा नम्वर ६ रतौली माइती रहेको सुजिताकी आमा सुनिता पाण्डेय र दाजु जितेन्द्रले सुजिताको हत्या गरि बेपता गरेको आरोप लगाएका छन् ।

जितेन्द्रले बहिनीका देवर रुपेशले आफूसँ फोनमा बहिनीलाई मारेको स्वीकार गरेको र मारेर उनलाई भ्रमरपुरा गाउँको मनरहिया वनमा खाल्डो खनी गाडेको बताएका छन् । जिल्ला प्रहरी कार्यालय महोत्तरीका प्रहरी उपरीक्षक दिनेश कुमार आचार्यले महिला हराएको जानकारी शुक्रबार मात्रै पाएको बताए । उनले महिला हराएको जानकारी पाउनासाथ अनौपचारिक रुपमा खोजतलासको प्रक्रिया अगाडि बढाइएको र केही मानिसलाई ल्याएर सोधपुछ पनि गरेको जानकारी दिए ।