सिन्धुपाल्चोक। जिल्लाको हेलम्बु गाउँपालिकामा गएरातिको अबिरल वर्षासँगै एको बाढीका कारण इन्द्रवती नदिले बगाएर ७ जना बेपत्ता भएका छन् ।

जिल्लाका प्रमुख जिल्ला अधिकारी अरुण पोखरेलका अनुसार बेपत्ता ७ जना मध्ये ५ जनाको नाम खुलेको र दुई जनाको खुल्न बाँकी रहेको छ।

यस्तै, हेलम्बु गाउँपालिकाको इन्द्रवती नदीको किनारमा थप एक जनाको शव फेला परेको छ । शव फेला परेको खबर आएपछि स्थानीय प्रहरीलाई त्यहाँ पठाइएको जिल्ला प्रहरी कार्यालयका (प्रवक्ता) डीएसपी प्रकाश सापकोटाले जानकरी दिए।

बाढीले हेलम्बुमा ३ ओटा र मेलम्चीमा एउटा पक्की पुल बगाएको छ । सो क्षेत्रमा केही झोलुंगे पुल पनि बगाएको सीडीओ पोखरेलको भनाइ छ।

अहिले बाढीका कारण डुबानमा परेका बासिन्दालाई उद्दारका लागि नेपाली सेनाको हेलिकप्टर प्रयोग गरिएको छ ।घरको क्षतमा रहेका व्यक्तिलाई हेलिकप्टरद्वारा उद्धारको प्रयास भइरहेको नेपाली सेनाले जनाएको छ ।

वर्षासँगै आएको बाढीका कारण मेलम्ची बजार डुबानमा परेको छ। बाढी र पहिरोका कारण जिल्लाका विभिन्न स्थानमा ५० जनाभन्दा बढी बेपत्ता भएको आशंका गरिएको छ ।