काठमाडौँ । नेपाली कांग्रेसका सभापति शेरबहादुर देउवाले बाढी तथा पहिरोका कारण विपदमा परेकाको उद्धार र राहतमा खटिन कार्यकर्तालाई निर्देशन दिएका छन् ।

पीडितको उद्धार गरेर सुरक्षित स्थानमा स्थानान्तरण गर्न र उनीहरुका लागि आवश्यक राहत प्याकेज घोषणा गर्न देउवाले सरकारसँग माग गरेका छन्।

सामाजिक सञ्जालमार्फत देउवाले केही दिनदेखि परेको अविरल वर्षाका कारण सिन्धुपाल्चोक र मनाङ लगायतका क्षेत्रमा बाढी पहिरो र कटानले विकराल रुप लिएको उल्लेख गर्दै उद्धार र राहतका लागि सरकारको ध्यानाकर्षण गराएका हुन्।

देउवाले यो कठिन अवस्थामा उद्धार र राहतमा खटिन नेता तथा कार्यकर्ताहरुलाई निर्देशन दिएका छन्।