काठमाडौँ । महानगरीय प्रहरी वृत्त कीर्तिपुरले कीर्तिपुर नगरपालिका-३ ढल्पामाबाट चितुवाको छालासहित दुई जनालाई पक्राउ गरेको छ ।

पक्राउ पर्नेमा कीर्तिपुर नगरपालिका-७ पाँगा बसपार्क बस्ने दार्चुला जिल्ला मार्मा गाउँपालिका-१ घर भएका २३ वर्षीय गिरिजा सिंह ठगुन्नासहित दुईजना रहेका छन् ।

प्रहरीका अनुसार गोप्य सूचानाको आधारमा महानगरीय प्रहरी वृत्त कीर्तिपुरबाट खटिएको प्रहरीले उक्त छाला सहित फेला पारी उनीहरुलाई पक्राउ गरेको हो।

यस सम्बन्धमा प्रहरीले थप अनुसन्धान गरिरहेको जनाएको छ ।