एजेन्सी। युरोकप अघिको मैत्रीपूर्ण फुटबलमा पोर्चुगलले इजरायललाई हराएको छ ।

बुधबार राति भएको खेलमा पोर्चुगलले इजरायललाई ४–० गोलले हराएको हो ।

पोर्चुगलको जितमा ब्रुनो फर्नान्डेजले दुई तथा क्रिस्टियानो रोनाल्डो र क्यान्सेलोले एक एक गोल गरे । खेलको ४२ औं मिनेटमा पहिलो गोल गरेको पोर्चुगलले ४४ औं मिनेटमै दोस्रो गोल थपेको थियो ।

युरोकप फुटबलमा पोर्चुगलले आफ्नो पहिलो खेल आगामी मंगलबार हङ्गेरीसँग खेल्नेछ ।