एजेन्सी । अमेरिकी किशोरी कोको गोफ र विश्व नम्बर एक नोभाक जोकोविच फ्रेन्च ओपन टेनिसको क्वाटरफाइनलमा प्रवेश गरेका छन् । यस्तै इगा स्वीएकेक पनि क्वाटरफाइनलमा प्रवेश गरेकी छिन् ।

१७ वर्षीया अमेरिकी गोफले सन् २०१८ मा जुनियर उपाधि जितेकी थिइन् । उनले ट्युनिसियाकी अन्स जाबेएरलाई ६–३ र ६–१ ले पराजित गरेकी हुन् । उनी पहिलोपटक ग्राण्डसलामको क्वाटरफाइनलमा पुगेकी हुन् ।

ग्रीसकी मारिया साकरीले गत वर्षकी उपविजेता चौथो बरियताकी सोफिया केनिनलाई ६–१ र ६–३ ले पराजित गरेकी छिन् ।

यस्तै स्लोएन स्टेफन्सलाई ६–२ र ६–० लाई पराजित गरेर बार्बोरा क्रेज्सिकोभा पनि क्वाटरफाइनलमा प्रवेश गरेकी छिन् ।

संघर्षपूर्ण जितसहित विश्व नम्बर एक नोभाक जोकोविचले ७६ औँ बरियताका १९ वर्षका लोरेन्जो मुसेत्तीलाई ६–७, ७–९, ६–७, २–७, ६–१, ६–० र ४–० अंकले पराजित गरे ।

यस्तै राफायल नाडाल पनि अन्तिम ८ मा प्रवेश गरेका छन् । उनले जानिक सिनरलाई ७–५, ६–३ र ६–० ले पराजित गरे ।