जनकपुरधा । धनुषामा पाँचौपटक निषेधाज्ञा जारी गरिएको छ ।

जिल्ला प्रशासन कार्यालय धनुषाले सोमबार एक सूचना जारी गरी सोमवार राती १२ बजेदेखि लागू हुनेगरी अगामी जेठ ३० गते रातिसम्म पाँचौ पटक निषेधाज्ञा जारी गरेको जिल्ला प्रशासन कार्यालय धनुषामले जनाएको छ ।

सोमबार जिल्ला कोभिड व्यवस्थापन समितिको बैठकले निषेधाज्ञा थप गर्ने निर्णय गरेको छ । कोभिड–१९ को नयाँ भेरियन्टको संक्रमण दरमा क्रमश सामान्य सुधार देखिएतापनि संक्रमणको चुनौती अझौ कायम रहेकाले त्यसको रोकथामका लागि निषेधाज्ञा थप गरिएको धनुषाका प्रमुख जिल्ला अधिकारी बन्धु प्रसाद वास्तोलाले बताए ।

निषेधाज्ञाको अवधिमा अत्यावश्यक सेवाका बाहेक अन्य सबै सेवा बन्द रहने बताइएको छ ।