काठमाडौँ । नेकपा एमालेको माधवकुमार नेपाल समूहको बैठक आज बस्दैछ ।

बैठकमा पार्टी अध्यक्ष एवम प्रधानमन्त्री केपी शर्मा ओलीले पार्टी एकताका लागि गरेको प्रस्तावका सम्बन्धमा छलफल हुनेछ ।

बैठक बिहान ११ बजेपछि भर्चुअल रुपमा बस्ने छ । स्थायी कमिटीमा छलफल पछि ओलीको प्रस्तावका सम्बन्धमा नेपाल समूहले धारणा सार्वजनिक गर्नेछ ।

ओली पार्टीलाई माओवादी केन्द्रसँग एकता अघिको अवस्थामा फर्काउन सहमत भएका छन् ।

ओलीले आइतबार पार्टी एकताका लागि आह्वान गर्दै २०७५ जेठ ३ गतेपूर्वको अवस्थामा जान तयार भएको भन्दै विज्ञप्ति जारी गरेका थिए । त्यसका लागि उनले विभिन्न शर्त अघि सारेका छन्।