एजेन्सी । अमेरिकी सेरेना विलियम्स फ्रेन्च ओपन टेनिसको चौथो चरणमा प्रवेश गरेकी छन् ।

तेस्रो चरणको खेलमा उनले अर्की अमेरिकी खेलाडी डानिएल कोलिन्सलाई पराजित गरेकी हुन् ।

सातौँ बरियताकी सेरेनाले कोलिन्सलाई ६–४ र ६–४ को सेटमा पराजित गरेर अघिल्लो चरणमा स्थान बनाएकी हुन् । ३९ वर्षकी सेरेनाले अब काजखस्तानकी २१ औँ बरियताकी एलेना रिबाकिनासँग प्रतिस्पर्धा गर्ने छिन् ।

तेस्रो बरियताकी बेलारुसी खेलाडी एरिना साबालेन्कालाई एनास्तासिया पाभ्ल्युचेन्कोभले ६–४, २–६ र ६–० ले पराजित गरिन् ।