काठमाडौं। विश्वकप २०२२ र एशियन कप २०२३, छनोट खेलमा नेपालले चाइनिज ताइपेइलाई २–० ले पराजित गरेको छ ।

कुवेतको जबेर अल हमाद अन्तर्राष्ट्रिय रङशालामा भएको खेलमा  अञ्जन विष्टले चौथो मिनेटमै नेपाललाई पेनाल्टी गोलमार्फत अग्रता दिलाएका थिए । खेलको ८१ मिनेटमा नवयुग श्रेष्ठले  गोल गरे ।
प्रमुख प्रशिक्षक अब्दुल्लाह अलमुतैरीले ६५ औं मिनेटमा सुनिल बललाई बिस्थापित गर्दै नवयुगलाईमैदानमा लागेका थिए ।

नवयुगले मैदान प्रवेश गरेको छैठौं मिनेटमै गोल गर्न सफल भए ।

यो सँगै समूह बीमा रहेको नेपालले जीतसँगै ६ खेलबाट ६ अंक जोडेको छ । गत वर्ष पहिलो लेगमा पनि नेपालले ताइपेइलाई २–० ले हराएको थियो ।