Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
शुक्रवार, जेठ २२ गते २०८३
Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
काठमाडौं। अस्पताल र चिकित्सकमाथि हुने आक्रमण रोक्न सरकारले कडा कानुन ल्याउने निर्णय गरेको छ।
बिहीबार बेलुका बालुवाटारमा बसेको मन्त्रिपरिषद बैठकले स्वास्थ्यकर्मी तथा स्वास्थ्य संस्थाको सुरक्षासम्बन्धी अध्यादेश २०७८ पारित गरेको छ ।
सो अध्यादेश स्वीकृतिका लागि मन्त्रिपरिषद बैठकले राष्ट्रपति विद्यादेवी भण्डारी समक्ष सिफारिस गर्नेछ । अध्यादेश राष्ट्रपतिले प्रमाणीकरण गरेपछि लागू हुनेछ। अध्यादेशमा अस्पताल तथा स्वास्थ्य संस्थामा नारा जुलुस गरेमा १ वर्ष कैद र १ लाख रुपैयाँ जरिवाना तथा आगजनी गरेमा २ वर्ष देखि ५ वर्ष जेल र ५ लाख रुपैयाँसम्म जरिवानाको व्यवस्था गरिएको छ।
चिकित्सकलाई कुटपिट गरेर चोट पटक लागेमा तथा स्वास्थ्य संस्था तोडफोड गरेमा ३ वर्ष कैद र ३ लाख जरिवाना हुनेछ।
चिकित्सकलाई हातपात गरेर अपमान गरेमा, गाली बेइज्जती गरेमा र बिरामीको उपचारमा अवरोध गरेमा १ वर्ष जेल र १ लाख रुपैयाँ जरिवानाको व्यवस्था अध्यादेशमा गरिएको छ।
अध्यादेशमा अस्पताल तथा स्वास्थ्य संस्थामा नारा जुलुस गर्न नपाईने उल्लेख भएको स्रोतको भनाइ छ । अध्यादेशमा नारा , जुलुस सहित घेराउ गर्नेलाई १ वर्ष कैद र १ लाख रुपैयाँ जरिवानाको व्यवस्था गरिएको वताइएको छ।
पछिल्लो समय स्वास्थ्यकर्मी र स्वास्थ्य संस्थामाथि आक्रमण बढेपछि दोषीमाथि कारबाही गर्न अध्यादेशमार्फत कडा कानुन ल्याउन लागिएको हो। स्वास्थ्य मन्त्रालयको प्रस्तावमा उक्त अध्यादेश ल्याउने निर्णय भएको एक मन्त्रीले जानकारी दिए।
© 2026 All right reserved to onlinenepal.com
Design & Developed By
