काठमाडौँ। उपत्यकाका जिल्लाहरुमा जारी रहेको निषेधाज्ञा थप १० दिन लम्ब्याउने तयारी थालिएको छ ।

आज अपराह्न बसेको उपत्यकाका ३ जिल्ला (काठमाडौँ, भक्तपुर र ललितपुर)का प्रमुख जिल्ला अधिकारीहरु (सीडीओ)हरुको बैठकले जारी निषेधाज्ञाका कारण कोरोना संक्रमणदर कम हुँदै गएकोले थप १० दिन लम्ब्याउनेबारे छलफल भएको बताएको छ ।

यद्यपि आजको छलफलमा खाद्यान्न, किराना पसल, खाद्यान्न मात्र बिक्री गर्ने डिपार्टमेन्ट स्टोर बिहान ९ बजेसम्म खोल्न दिने निर्णय भएको काठमाडौँका सीडीओ कालीप्रसाद पराजुलीले जानकारी दिए । आजको बैठकमा छलफल मात्रै भएको र बुधबार बिहान निर्णय गरिने उनले बताए ।

साथै निर्माण क्षेत्रमा काम रोकिएकोले निर्माण स्थलमै आवासीय रुपमा कामदार राखेर निर्माणका काम  गर्न दिनेबारे पनि छलफल भएको छ ।