सिन्धुपाल्चोक । उत्तरी छिमेकी चीनको स्वशासित क्षेत्र तिब्बत सरकारले नेपाललाई कोरोना भाइरस विरुद्दको स्वास्थ्य सामग्रीहरु सहयोग गरेको छ।

कोभिड–१९ विरुद्धको लडाइँमा सघाउन तिब्बत सरकारले आइतबार थप स्वास्थ्य सामग्री तातोपानी नाकाबाट नेपाललाई हस्तान्तरण गरेको नेपालस्थित चिनियाँ राजदूत यान्छीले जानकारी दिएकी छिन्।

उनका अनुसार जसमा ८०० अक्सिजन सिलिन्डर, २०० थान आईसीयू बेड र ५ भेन्टिलेटर, १० थान कन्सन्ट्रेटर र १५ हजार थान एन्टिजेन किट रहेका छन् ।

यस्तै, आइतबार नै ५ मिलियन आरएमबी. अतिरिक्त अनुदान सहायताअन्तर्गत चीनले ४० थान पोर्टेवल भेन्टिलेटर, २० थान अटोमेटेड एनालाइजर, १० थान डीआर मेसिन, २० थान पोर्टेवल अल्ट्रासाउण्ड र ३० थान एनेस्थेसिया मेसिनलगायत स्वास्थ्य सामग्री पनि चीनले उपलब्ध गराएको छ।

https://twitter.com/PRCAmbNepal/status/1398998438386171906