एजेन्सी । केही समयदेखि सञ्चारमाध्यम बहिष्कार गर्दै आएकी विश्व नम्बर दुई महिला टेनिस खेलाडी नाओमी ओशाकाले फ्रेन्च ओपन गुमाउने खतरा बढेको छ ।

उनले बहिष्कारको क्रम जारी राखे भावी ग्राण्डसलामबाट समेत निष्काशन हुने सम्भावना रहेको विदेशी सञ्चारमाध्यमहरुले जनाएका छन् ।

जापानी खेलाडी ओशाकाले गत साता खेल सम्पन्न भएपछि आफुले सञ्चारमाध्यमहरुलाई अन्तर्वार्ता नदिने बताएकी थिइन् । उनले मानसिक स्वास्थ्यका कारण अन्तर्वार्ता नदिने बताएकी थिइन् ।

फ्रेन्च ओपन टेनिसअन्तर्गत आइतबार भएको पहिलो चरणको खेलमा रोमानियाकी प्याट्रिसिया मारिया टिगलाई पराजित गरेपछि पत्रकार सम्मेलनमा भाग नलिएका कारण ओशाकामाथि १५ हजार डलरको जरिवाना समेत गरिएको थियो ।

उनले सो खेल ६–४, ७–६ तथा ७–४ अंकले जितेकी थिइन् ।