पर्सा। जिल्ला प्रहरी कार्यालय पर्साले हुण्डी कारोबारमा संलग्न रहेको अभियोगमा २ जनालाई बिहीबार दिउँसो पक्राउ गरेको छ ।

पक्राउ पर्नेहरुमा बारा प्रसौनी गाउँपालिका-६ बस्ने २६ वर्षीय शिव आनन्द गुप्ता र पर्सा वीरगंज महानगरपालिका-११ श्रीपुर बस्ने १९ वर्षीय प्रकाश जैसवाल रहेका छन् ।

वीरगंज महानगरपालिका-८ बीपिसी क्याम्पस छेउमा २ जनाले हुण्डी गरिरहेको भन्ने सूचना प्राप्त भएपछि अनुसन्धानको लागि जिल्ला प्रहरी कार्यालय पर्साबाट खटिएको प्रहरीले नगद ५३ लाख ८० हजार रुपैयाँ दुई जनालाई पक्राउ गरेको हो ।

उनीहरु उपर बैंक तथा वित्तिय संस्था सम्बन्धी ऐन, २०७३ बिरूद्वको कसूरमा थप अनुसन्धान भइरहेको जिल्ला प्रहरी कार्यालय पर्साले जनाएको छ ।