बाँके। जिल्लाको कोहलपुर नगरपालिका-१२ चप्परगौडीमा छोराको हत्या गरेको अभियोगमा बाबु पक्राउ परेका छन्।

छोरा २० वर्षीय पोषण वलीको हसियाँ प्रहार गरेर हत्या गरेको अभियोगमा बुबा ५० वर्षीय ठाकुर प्रसाद वली पक्राउ परेका हुन्।

बुधबार राति घरायसी बादविवादको कारण बुबा ठाकुरले हसियाँ प्रहार गर्दा गम्भीर घाइते भएका पोषणको उपचारको क्रममा मृत्यु भएको प्रहरीले जनाएको छ।

अभियुक्त ठाकुर प्रसादलाई नियन्त्रणमा लिएर यस सम्बन्धमा प्रहरीले थप अनुसन्धान गरिरहेको जनाएको छ ।