एजेन्सी । स्पेनीस क्लव रियल मड्रिडका प्रशिक्षक जिनेदिन जिदानले राजिनामा दिएका छन । सिजन सकिएपछि क्लव छोड्ने उनले यसअघि नै घोषणा गरेका थिए ।
जिदानले प्रशिक्षकका रुपमा दोस्रो पटक टिम छोडेका हुन । जिदान सन् २०१६ मा पनि रियलको प्रशिक्षक भएका थिए । त्यो बेला उनले रियललाई तीन पटक च्याम्पियन्स लिगको उपाधि दिलाएका थिए ।

पहिलो पटक रियलको प्रशिक्षक हुँदा निकै ठूलो सफलता हात पारेका जिदानको दोस्रो कार्यकाल भने साचेको जस्तो सफल रहेन ।

दोस्रो कार्यकालमा उनले ला लिगाको उपाधि गत सिजन जितेपनि च्याम्पियन्स लिगमा भने राम्रो गर्न सकेनन् । यो सिजनमा रियलले कुनैपनि उपाधि जित्न सकेन ।

च्याम्पियन्स लिगमा रियल यो सिजनमा चेल्सीसँग सेमिफाइनलमा पराजित भयो । कोपा डेल रे मा अन्तिम ३२ बाट नै बाहिरीएको थियो ।

जिदानको तत्कालको नजर युभेन्टस रहेको बताइएको छ । अब जिदानको ठाउँ रियलमा राउल र एलिग्रीले लिने सम्भावना छ ।