काठमाडौँ। नेपाली सिने क्षेत्रकी अभिनेत्री नीता ढुंगानाले आफुलाई नेपालमा जन्मिएर पछुतो भएको बताएकी छिन् । ज्योतिष तथा कलाकार हरिहर अधिकारीसंग प्रेममा रहेकी नीताले हरिहरको पिताको अक्सिजन र अस्पताल नपाएर निधन भएपछि यस्तो बताएकी हुन्।

फेसबुकमा उनी लेख्छिन्, ‘कोरोनाको विरुद्ध संसार लडिरहदा मेरो देशले मलाइ झन् लात हान्छ भन्ने कुरा आज आभास भयो । यो कठिन अवस्थामा जनताको लागि लड्नुपर्ने तर यहाँ त लडाइ कुर्सीको लागि भैरहेको छ ।’

‘सायद समयमा नै आइसियुको व्यवस्थापन भएको भए र समयमा नै अक्सिजन पाएको भए कसैले पनि अल्पायुमा ज्यान गुमाउनु पर्दैन थियो होला,’ उनले लेखेकी छिन्।