एजेन्सी । टोटेनहमका स्ट्राइकर ह्यारी केनले तेस्रो पटक प्रिमियर लिगको गोल्डेन बुट अवार्ड जितेका छन् ।

सन् २०२० र २१ सिजनको अन्तिम खेलमा लेस्टरलाई ४–२ गोलले पराजित गर्ने क्रममा एउटा गोल गरेका केनले सर्वाधिक गोल गर्दै उक्त अवार्ड जितेका हुन् ।

केनले सिजनभर कूल २३ गोल गर्दै लिभरपुलका मोहम्मद सालाहलाई एक गोलले पछि पारे । सालाहले अन्तिम खेलमा गोल गर्न सकेनन् ।

केनले सर्वाधिक गोल गर्नुका साथै सर्वाधिक १४ असिस्ट समेत गरे । उनी सन् १९९३ देखि हुन थालेको आधुनिक प्रिमियर लिगको एकै सिजनमा सर्वाधिक गोल असिस्ट गर्ने पहिलो खेलाडी समेत बनेका छन् ।

केनले यसअघि सन् २०१५ तथा सन् २०१६ मा गोल्डेन बुट अवार्ड जितेका थिए । सर्वाधिक गोल्डेन बुट जित्ने भने थियरी हेनरी हुन् । उनले चार पटक प्रिमियर लिगमा गोल्डेन बुट जितेका छन् ।