सिराहा। जिल्लामा कोरोना संक्रमित एकजना डाक्टरको मृत्यु भएको छ ।

मृत्यु हुनेमा लहान नगरपालिका वडा-६ घर भएका ३५ वर्षीय डा. मुकेश चौधरी रहेका छन् ।

करिव ९ दिनअघि कोरोना संक्रमित भएका ड़ा चौधरी घरमै आइसोलेशनमा बस्दै आएका थिए । तर, हिजो साँझ स्वास्थमा थप समस्या बढेपछि उनलाई विराटनगरको विराट नर्सिंङ अस्पताल लगिएको लहान नगरपालिकाका स्वास्थ्य शाखा संयोजक रामसुन्दर यादवले जानकारी दिए ।

चौधरीलाई अस्पताल पुर्याएको केही बेरमै मृत्यु भएको यादवको भनाइ छ ।

मृतक डा. जिल्ला सदरमुकाम लहानमा डाइनोष्टिक सेन्टर सञ्‍चालन गर्दै आएका थिए।