जनकपुरधाम । जिल्लाको विहारी नगरपालिकाका एक जना वडाअध्यक्षको मृत्यु भएको छ ।

मृत्यु हुनेमा धनुषा मिथिला विहारी नगरपालिका -५ का विनोद कुमार मण्डल रहेका छन् । मण्डल तत्कालीन राष्ट्रिय जनता पार्टी (राजपा)बाट वडाध्यक्षमा निर्वाचित भएका थिए ।

४५ वर्षिय वडाअध्यक्ष मण्डल विगत ६- ७ दिनदेखि ज्वरो र रुघाखोकी लागेपछि होम आइसोलेसनमा बसेका थिए ।

स्वास्थ्य अवस्था बिग्रिएपछि उपचारका लागि जनकपुरस्थित चन्द्रकला अस्पतालमा उपचारकै क्रममा मध्यरातमा निधन भएको स्थानीय दिपन ठाकुरले बताए ।

ठाकुरका अनुसार कोरोनाबाटै वडाध्यक्ष मण्डलको मृत्यु भएको आशंका गरिएको छ।