काठमाडौं । प्रधानमन्त्री केपी शर्मा ओलीको संसदमा विश्वासको मत फेल खाएको छ।

आज विश्वासको मत लिने प्रस्ताव संसदबाट बहुमतले अस्वीकृत भएपछि प्रधानमन्त्री ओली स्वतः पदमुक्त भएका हुन् । ओली पदमुक्त भएसँगै बहुमतको कम्युनिष्ट सरकार ढलेको छ।

आजको मतदानमा प्रस्तावको पक्षमा ९३ मत परेको थियो  भने विपक्षमा १२४  र तटस्थमा १५  रहेका थिए।

प्रधानमन्त्री ओलीलाई पदमा  रहीरहन १३६ मत आवश्यक थियो।

प्रतिनिधिसभाको सोमबारको बैठकमा २३२ जना सांसद उपस्थित रहेका थिए ।

नेपाली कांग्रेस, नेकपा माओवादी केन्द्र, जनता समाजवादी पार्टीको बाबुराम भट्टराई–उपेन्द्र यादव पक्ष, राष्ट्रिय जनमोर्चाले विपक्षमा मत दिएका छन् । भने एमालेकै ओली पक्षले पक्षमा मत दिएका हुन्।