बाँके। जिल्लामा थप तीन जना कोरोना संक्रमितको मृत्यु भएको छ ।
भेरी अस्पताल नेपालगञ्जमा दुई जना र कोहलपुरस्थित नेपालगञ्ज मेडिकल कलेजमा एक जना संक्रमितको मृत्यु भएको बाँकेका कोरोना स्रोत व्यक्ति तेज वलीले जानकारी दिए ।

मृत्यु हुनेहरुमा नेपालगञ्ज उपमहानगरपालिका–४ का ५८ वर्षीय पुरुष र जानकी गाउँपालिका–३ की ५५ वर्षीया कोरोना संक्रमित महिलाको शनिबार बिहान भेरी अस्पतालमा उपचारको क्रममा मृत्यु भएको हो।

यस्तै, नेपालगञ्ज उपमहानगरपालिका–२ का ७४ वर्षीय पुरुषको शनिबार बिहान नेपालगञ्ज मेडिकल कलेज कोहलपुरमा उपचारको क्रममा मृत्यु भएको वलीले बताए।
योसँगै बाँकेमा कोरोना संक्रमणबाट मृत्यु हुनेको संख्या १७७ पुगेको छ ।