काठमाडौं । कोरोना भाइरस संक्रमणको दोस्रो लहर सुर भएपश्चात् यसले महामारीको जरा गाडेको छ। पछिल्ला दिनहरुमा देशभर संक्रमितको संख्या उल्लेख्य रुपमा बढ्दै जाँदा मृत्यु हुनेहरुको संख्या पनि त्यतिकै बढेको देखिन्छ।

कोरोना भाइरस नियन्त्रण तथा रोकथामका लागि भन्दै सरकारले नेपालका ६० भन्दा बढी जिल्लाहरुमा निषेधाज्ञा लागू गरिसकेको छ भने अझै अन्य जिल्लाहरुमा समेत निषेधाज्ञा लागू गर्ने तयारी गरेको छ। तर पनि पछिल्ला दिनहरुमा सक्रिय संक्रिमितहरुको संख्या घट्नुको साटो बढ्दै गएको स्वास्थ्य मन्त्रालयको तथ्यांकमा देख्न सकिन्छ।

यसैबीच नेपाल कम्युनिष्ट पार्टी नेकपा माओवादी केन्द्रका नेता नारायणकाजी श्रेष्ठले कोरोनाका कारण स्थिति काबु बाहिर जान लागेको भन्दै मिलेर सम्हालनुपर्ने बताएका छन् ।

शनिबार सामजिक सञ्जाल फेसबुकमार्फत सबैलाई कोरोना नियन्त्रणमा जुट्न आग्रह गर्दै उनले भनेका छन्, ‘सरकारको समयमै आवश्यक कदम नचाल्ने र तयारी नगर्ने गैरजिम्मेवार रवैयाले स्थिति काबु बाहिर जान लाग्यो । सबै मिलेर सम्हालौं ।’

त्यस्तै, प्रवक्ता श्रेष्ठले सरकार र राजनीतिक पार्टीहरुले कोरोनालाई पहिलो र मुख्य कार्यभार बनाउन आग्रह समेत गरेका छन्।

उनले लेखेका छन्,‘कोरोनाको महामारी भयावह भयो। नेपाल संक्रमण र मृत्यु दर दुबै कोणबाट बिश्वकै अग्रपंक्तिमा देखिन थाल्यो। सरकारको समयमै आवश्यक कदम नचाल्ने र तयारी नगर्ने गैरजिम्मेवार रवैयाले स्थिति कावु बाहिर जान लाग्यो।सबै मिलेर सम्हालौं ।आम नागरिकलाई कोरोना संक्रमणबाट बचाऔं र जीवन रक्षा गरौं ।