काठमाडौँ । नेपाली कांग्रेसका सभापति शेरबहादुर देउवा र माओवादी केन्द्रका अध्यक्ष पुष्पकमल दाहाल प्रचण्डबीच आज साँझ भेटवार्ता भएको छ।

अध्यक्ष प्रचण्डले देउवा निवास बुढानिलकण्ठमा समसामयिक राजनीतिक विषयमा छलफल गरेको देउवाको सचिवालयले जनाएको छ ।

छलफलमा वागमती र लुम्बिनी प्रदेशमा हुन लागेको राष्ट्रिय सभाको उपनिर्वाचन, वैशाख २७ गते प्रधानमन्त्री केपी शर्मा ओलीले लिने विश्वासको मतलगायत विषयमा कुरा भएको थियो ।

कांग्रेस र माओवादी केन्द्र ओलीलाई सत्ताबाट हटाउने विषयमा एक ठाउँमा उभिएका छन् । आजै एमालेका नेता भीम रावल र देउवाबीच बुढानिलकण्ठमा छलफल भएको थियो ।