कैलाली । जिल्लामा थप चार जना कोरोना संक्रमितको मृत्यु भएको छ।

दुई जनाको धनगढीस्थित सेती अस्पतालमा र दुई जनाको प्राइभेट अस्पतालमा मृत्यु भएको जिल्ला प्रशासन कार्यलय कैलालीका सूचना अधिकारी शिवराज जोशीले जानकारी दिए।

मृत्यु हुनेहरुमा सेती अस्पतालमा १७ वर्षीय पुरुष, ३५ वर्षीया महिला र धनगढीस्थित एक प्राइभेट अस्पतालमा ७८ वर्षिया वृद्धा र एक पुरुषको मृत्यु भएको जोशीले बताए।

पछिल्लो समय कोरोना भाइरसको दोस्रो लहर सुरु भएपछि मृत्यु हुनेहरुको संख्या दिनहुँ बढ्दै गएको छ।