एजेन्सी। भारतको राजधानी नयाँदिल्लीका मुख्यमन्त्री अरविन्द केजरीवालले कोरोना महामारीबाट प्रभावित दिल्लीका सम्पूर्ण नागरिकहरुलाई दुई महिना निःशुल्क खाद्यान्न र ५ हजार रुपैँया राहत वितरण गर्ने घोषणा गरेका छन् ।

आज मुख्यमन्त्री केजरीवालले अनलाइनमार्फत् पत्रकार सम्मेलन गरीसंक्रमणको चपेटामा गुज्रिएको परिवारलाई लक्षित गर्दै यस्तो राहत कार्यक्रम घोषणा गरेका हुन् ।

केजरीवालको यस्तो घोषणासँगै दिल्लीमा रहेका ७२ लाख भन्दा धेरै रासन कार्डवाहकहरुले दुई महिनासम्म निःशुल्क खाना र ५ हजार रुपैयाँ राहत पाउनेछन् ।

यस्तै उनले दिल्लीका सबै अटो तथा ट्याक्सी चालकहरूलाई ५ हजार रूपैयाँ सहयोग गर्ने पनि जनाएका छन् । कोरोना महामारीका कारण ट्याक्सी तथा अटो चालकहरुको काम रोकिन गएकाले उनीहरुका लागि पनि राहत प्याकेज ल्याएको मुख्यमन्त्री केजरीवालले बताए ।

यससँगै दिल्लीमा रहेका करिब डेढ लाख अटो र ट्याक्सी चालकहरूले राहत महसुस गर्नेछन् । दिल्लीका मुख्यमन्त्री केजरीवालले कोरोना महामारीको पहिलो चरण पनि आफ्ना नागरिकलाई विभिन्न राहत प्याकेज दिएका थिए ।

कोरोना लॉकडाउन के कारण गरीब आर्थिक तंगी से जूझ रहे हैं। इस वक्त उनकी सहायता करने के लिए दिल्ली सरकार दिल्ली में रहने वाले 72 लाख राशन कार्ड धारकों को अगले दो महीने तक मुफ्त राशन देगी। pic.twitter.com/lBcBQrRbmT

— Arvind Kejriwal (@ArvindKejriwal) May 4, 2021

ऑटो और टैक्सी चालक दिल्ली की परिवहन व्यवस्था का अभिन्न अंग है। लॉकडाउन के दौरान ऑटो और टैक्सी चालकों की रोज़ी रोटी पर बुरा असर पड़ता है। पिछले साल की तरह इस बार भी हमने दिल्ली के ऑटो और टैक्सी चालकों को ₹5 हजार की सहायता राशि देने का निर्णय लिया है। pic.twitter.com/a0mUnYjR5B

— Arvind Kejriwal (@ArvindKejriwal) May 4, 2021