धनगढी । कैलालीको धनगढीस्थित सेती कोभिड अस्थायी अस्पतालमा उपचाररत चार कोरोना संक्रमितको मृत्यु भएको छ ।

मृत्यु हुनेमा कैलाली, कञ्चनपुर, बझाङ र बर्दियाका एक एक जना रहेको अस्पतालले जनाएको छ ।

धनगढी उपमहानगरपालिका ७ की ७७ वर्षीया महिला, कञ्चनपुरको भीमदत्त नगरपालिका १२ का ७१ वर्षीय पुरुष, बझाङका २६ वर्षीय पुरुष तथा बर्दियाको उतानपुर गाउँपालिका २ का ३० वर्षीय पुरुषको उपचारका क्रममा मृत्यु भएको हो ।

अहिले कोरोना संक्रमणबाट सबैभन्दा प्रभावित कैलाली र कञ्चनपुरका नागरिक रहेका छन् । उनीहरु अधिकांश भारतबाट घर फर्केका हुन् ।