काठमाडौं । नेपाल कम्युनिष्ट पार्टी (नेकपा) एमालेका अध्यक्ष एवं प्रधानमन्त्री केपी शर्मा ओलीले वरिष्ठ नेता माधवकुमार नेपाल पक्षका थप तीन जना नेतालाई स्पष्टीकरण सोधेका छन् ।

एमाले केन्द्रीय कार्यालयका सचिव शेरबहादुर तामाङले अध्यक्ष ओलीको निर्देशनमा गंगा चौधरी, कलिला खातुन र समीना हुसेनलाई स्पष्टीकरण सोधेका हुन् ।

तीनै जनालाई सामाजिक सञ्जाल म्यासेञ्जरबाट स्पष्टीकरण सोधिएको छ । यसअघि नेता नेपालसहित २७ जनालाई इमेलमार्फत स्पष्टीकरण सोधिएको थियो ।

कोरोना महामारी भएकाले भौतिक रुपमा पत्र पठाउन सम्भव नभएकाले मेसेञ्जरको माध्यमबाट स्पष्टीकरण सोधिएको तामाङले बताए । तीनै जनाले जवाफ समेत दिइसकेको र सकारात्मक रुपमा स्पष्टीकरण आएको उनको भनाइ छ।