एजेन्सी । इङ्ग्लिस प्रिमियर लिग फुटबलमा टोटनह्यामले सेफिल्ड युनाइटेडलाई ४–० गोल अन्तरले हराएको छ ।

टोटनह्यामको जितमा गारेथ बेलले ह्याट्रिक गरे भने सन ह्युङ मिनले एक गोल गरे । जितसँगै टोटनह्याम ५६ अङ्कका साथ पाँचौं स्थानमा पुगेको छ ।

सेफिल्ड १७ अङ्कसहित पुछारमा छ । आइतबार राति भएको अर्को खेलमा आर्सनलले न्यूकासल युनाइटेडलाई दुई शून्य गोल अन्तरले हरायो । यस्तै म्यानचेस्टर युनाइटेड र लिभरपुलबीचको खेल भने स्थगित भएको छ ।

ओल्ड ट्राफोडमा युनाइटेडका समर्थकले मैदानमा पुगेर हुल हुज्जत गरेपछि खेल स्थगित भएको हो ।

युनाइटेडले नयाँ प्रतियोगिता युरोपियन सुपर लिग नखेल्ने घोषणा गरे पनि समर्थकले विरोध गर्न भने छाडेका छैनन् ।