काठमाडौँ। चर्चित गायक प्रमोद खरेल दुर्घटना परेको भन्दै हिजो एकाएक समाचार भाइरल भएपछि उनले गम्भीर ध्यानाकर्षण भएको बताएका छन्। गायक खरेलको चर्चित रियालिटी शो भ्वाइस अफ नेपालको सुटिङ्पश्चात् घर फर्कने बेलामा सडक दुर्घटना भएको भन्दै केही अनलाइनहरुले भ्रामक समाचार फैलाएपछि उनले यस्तो भनेका हुन्।

सामाजिक सञ्जालमार्फत् उनले आफु कतै दुर्घटनामा नपरेको र यस्ता काल्पनिक समाचार नलेख्न सबैमा आग्रह गर्दै आफ्ना आफन्त तथा शुभचिन्तकलाई चिन्ता नलिन भनेका छन् ।

हिजो विभिन्न अनलाइन मिडियाहरुले प्रमोख खरेल दुर्घटनामा परेको भन्दै हस्पिटलको तस्विर सहित समाचार बनाएका थिए । जुन कुरा झुटो रहेको प्रमोदले भिडियो लाइभ र स्ट्याटसमा भनेका छन् । आफु नयाँ गीतको अभ्यासमा रहेको र अभ्यास गरिरहेको समेत उनले बताए।

https://www.facebook.com/pramodkharel/posts/10222775911805261