काठमाडौं । कोभिड १९ संकट व्यवस्थापन समिति (सीसीएमसी)ले अन्तर्राष्ट्रिय र आन्तरिक उडान रोक्न मन्त्रिपरिषद् समक्ष सिफारिस गर्ने निर्णय गरेको छ ।

शुक्रबार बसेको सीसीएमसीको बैठकले संक्रमण भयावह बन्दै गएको निष्कर्षसहित हवाइ उडान रोक्नुपर्ने निष्कर्ष निकालेको हो ।

सीसीएमसीका निर्देशक एवं उपप्रधानमन्त्री ईश्वर पोखरेलले यससम्बन्धी प्रस्ताव मन्त्रिपरिषदमा लैजाने भएका छन् । त्यसपछि सीसीएमसीको सिफारिसमाथि निर्णय हुनेछ ।

हाल संक्रमण बढी देखिएका जिल्लामा प्रशासनले निषेधाज्ञा लगाएको छ । हवाई सेवा बाहेक अन्य यातायातमा रोक लगाएको छ । अन्य यातायात व्यवसायीले हवाई यातायाता पनि बन्द गर्न सरकारलाई दबाब दिँदै आएका छन् ।