कास्की। गण्डकी प्रदेश ट्राफिक प्रहरी कार्यालय गगनगौंडाले कोरोना भाईरसको दोश्रो लहर सुरु भएसंगै यसको संक्रमणबाट बच्न र फैलावटलाई नियन्त्रण गर्नका लागि जिल्लाका ११ वटै ट्राफिक प्रहरी कार्यालयहरुबाट अभियान सुरु गरेको जनाएको छ।

अभियान अन्तर्गत “संक्रमणबाट आंफू बचौं र अरुलाई पनि बचाऔं”, “तपाईको मास्क खोई”लगायतका कार्यक्रम गर्दै सडकमा पैदलयात्री र सवारी चालकहरुसंग आग्रह गरेको गगनगौंडाका प्रहरी निरीक्षक मनोजकुमार शाहीले जानकारी दिए।

निरीक्षक शाहीका अनुसार सार्वजानिक यातायातमा सवार यात्रुहरुले मास्क लगाएको र नलगाएको चेकजाँच गर्ने, मास्क नगाउने यात्रुहरुलाई अनिवार्यरुपमा मास्क लगाउन सुझाव दिने, स्थानीय तहहरुसंग समन्वय गरी सर्वसाधरणलाई मास्क वितरण गर्ने, सम्झाई बुझाई गर्दा समेत अटेर गरी मास्क नलगाउने र मापदण्ड पालना नगर्नेहरुलाई नियमानुसार कारवाही गरिने छ।

यस्तै, प्रहरीले हालसम्म १०१७२ जनालाइ चेकजाँच, २०३५३ जनालाइ सम्झाई बुझाई, ८६२९ जनालाई मास्क वितरण गरिएको र ३१ जना मास्क नलगाउनेलाई कारवाही समेत गरिएको जनाएको छ।