एजेन्सी । इन्डियन प्रिमियर लिग (आइपिएल)मा आइतबार राति भएको खेल बराबरीमा सकिएको छ ।

दिल्ली क्यापिटल्स र सनराइजर्स हैदरावाद बिचको खेल बराबरीमा सकिएको हो । चेन्नइमा भएको खेलमा १६० रनको लक्ष्य पछ्याएको हैदरावादले निर्धारित ओभरमा सात विकेटको क्षतिमा १५९ रन बनाएको हो ।

त्यसअघि पहिले ब्याटिङ्ग गरेको दिल्लीले पनि १५९ रन नै बनाएको थियो । दिल्लीका लागि पृथ्वी श ले ३९ बलमा ५३, ऋषभ पन्तले २७ बलमा ३७, स्टीभन स्मीथले २५ बलमा ३४ तथा शिखर धवनले २६ बलमा २८ रन बनाए ।

हैदरावादका लागि केन विलियम्सनले ५१ बलमा नटआउट ६६ तथा जोनी बेरिस्टोवले १८ बलमा ३८ रन बनाए ।